राजन् संस्मृत्य संस्मृत्य संवादमिममद्भुतम् । केशवार्जुनयोः पुण्यं हृष्यामि च मुहुर्मुहुः ।। ७६ ।।

राजन् संस्मृत्य संस्मृत्य संवादमिममद्भुतम् ।

केशवार्जुनयोः पुण्यं हृष्यामि च मुहुर्मुहुः ।। ७६ ।।

भावरत्नकोशः

गीताक्षरार्थस्तु- किञ्च हे राजन् धृतराष्ट्र केशवार्जुनयोः पुण्यं श्रवणमात्रेण पापहरम् इमं गीताशास्त्ररूपं संवादं संस्मृत्य संस्मृत्य सम्यक् श्रुत्वा मुहुर्मुहुश्च हृष्यामि हर्षं प्राप्नोमि ।। ७६ ।।