स्वयमेवाऽत्मनाऽऽत्मानं वेत्थ त्वं पुरुषोत्तम । भूतभावन भूतेश देवदेव जगत्पते ।। १५ ।।

स्वयमेवाऽत्मनाऽऽत्मानं वेत्थ त्वं पुरुषोत्तम ।

भूतभावन भूतेश देवदेव जगत्पते ।। १५ ।।

भावरत्नकोशः

गीताक्षरार्थस्तु तव सर्वाविज्ञेयत्वे स त्वमेव स्यात् ? इत्यत उच्यते– स्वयमेवेति ।। हे पुरुषोत्तम त्वं स्वयमेव अन्यं वेदयितारमनपेक्ष्य आत्मना स्वभावेन स्वसामर्थ्येन वा आत्मानं स्वात्मानं वेत्थ जानासि । भूतभावन भूतोत्पादक, भूतानामीशितश्च, देवदेव देवानामपि देव देवोत्तम जगत्पते जगद्रक्षक ।। १५ ।।